We’re all different. You are a dreamer. He is very thoughtful. She is the sensitive one. They are straight. and I’m ... well, I write entirely to find out what I'm thinking, what I'm looking at, what I see and what it means. What I want and what I fear.

Pages

Monday, October 10, 2011

214) 10/10/2001 - 10/10/2011 ... 10 ans déjà!!

الحمد لله .. ومن قلب قلبي بأقولها ..
الحمد لله .. اليوم من أعماقي أشعرها ..

الصدمة كانت جامدة قوي .. مأقدرش أنكر دا .. لكن كمان مأقدرش أنكر إنها كانت فيها الشفاء!ا


حلم حياتي باظ من عشر سنين بالضبط -أو لتعبير أكثر دقة- اللي كنت فاكراه حلم حياتي
وساعتها كنت فاكرة إني هأموت .. هأموت بجد يعني مش هزار!ا
المدهش .. إني دلوقتي حاسة إنه أحسن حاجة حصلت لي بحياتي .. إنه باظ .. وراح في ستين *****! - مش لسبب غير إني إتأكدت دلوقتي إنه ماكنش خير خااالص .. وفهمت إني كنت عيلة شبطانة في اللعبة الوحيدة اللي لا يمكن تنفعها و تسعدها .. فربنا رحمة منه بها كسرها اللعبة دي علشان تسيبها خالص .. ففضلت هي تلصمها وتصلحها بإصرار لحد ما عورتها - كان لازم تتوجع علشان تتعلم .. وكان لازم تتجهز علشان تتحمل .. وكان لازم تتعد حتي لو هتتألم

إنهاردة العيلة فهمت قد إيه العشر سنين دول كانوا مهمين
وإن الصدمة .. كانت حنية
والحلم اللي باظ .. كان رفق
وإن الوجع .. كان طبطبة
والظلم .. كان حب .. حب كبير!ا
وإن الحرمان .. كان حضن .. حضن دافي قوي

الحمد لله يا رب ..
أعدتني .. وجهزتني .. وعلمتني .. واصطفيتني .. واجتبيتني .. وبنيتني .. ورزقتني .. وهديتني .. واعطيتني .. وجبرتني .. واستعملتني .. ونصفتني .. ونصرتني .. وراضيتني .. وفهمتني ..... وخلقتني من جديد!ا
...

دلوقتي بس أنا جاهزة علشان أحلم حلم جديد .. وهأعمل خطة جديدة لحياة جديدة ..
ومش هأزعل ..
...

مش عارفة ليه متفائلة .. وحاسة إن مصر بتتوجع دلوقتي علشان بعد عشر سنين هتدهش العالم كله

إهدئ يا مصر .. فالقادم أجمل .. ولك رب سيعطيكي حتي ترضي
...

5 comments:

Nouna said...

ٌYou are never too old to set another goal or to dream a new dream.

Anonymous said...

7elm eh ya amar ba3d el shar 3aliki men mot <#
sue

Nouna said...

هيكون إيه يعني!.. واحد كان بيحبني لدرجة مش معقولة. وأنا ماكنش في دماغي خالص. فضل مُصر عليّ بردة وقرر ييجي يتقدم لي رسمي. ماما مارضيتش. فأنا بقي شبط فيه زي العيال. برده مارضيتش. مامته وباباه اتضايقه قوي وهو اتلكك واتجوز بقرة كدا- بس بسرعة قوي! بس. أنا بقي عملت فيها أمينة رزق كام سنة كدا وبعدين بقيت أقول أياليت السنين تعود يوما فأخبر نفسي إيه يا عبيطة أنت دا!ا

مهم جدا أؤكد إن حلمي عمره ما كان الفستان الأبيض والطرحة والدوشة والقرف دا. لكن كان الشريك والعائلة والأولاد والجو الدافي دا والتفاهم وكدا - المهم الحمد لله الحياة أثبتت لي إن عمري ما كنت حلاقي الحاجات دي معاه. لكن حلاقيها مع حد تاني -ماكنش ينفع يوصل قبل ما أنا وهو نتعلم كويس قوي- إن شاء الله

;)

Anonymous said...

enti lesa bet7bih ya rouna zay el awel wala nadmana bas? 2na fakrah fe3lan kan byo3bodek mesh bey7bek we bas
akid rabena shayl liki we lia kol 7aga 7lwa :)

Nouna said...

No regret. No pain.. I just never thought I'd lose him, and that is why it was a real shock. [3ayela ba2a]

Elkholasa:

It was really a difficult phase of my life, yes. Ohh - yes.. but not because of love; I never loved the guy "awi" ya3ni! - will write about my exact feeling towards him later...

now.. I don't hate him tab3an, but I'm very glad it's over.

*sigh of relief*